Deskribapena: Sare sozial profesionalak tresna onak dira, pertsonak ezagutzeko eta gure lanaren inguruko esperientziak trukatzeko. Elementu hauez osatuak daude: - profil profesionalak, gu ezagutzera emateko balio dutenak; - kontaktuen sarea, beste profesionalekin hartu-emanak izateko; eta - debate-taldeak, esperientziak trukatzeko balio dutenak. OR kodeei esker, hiperlink-ak ipintzen dira objektu fisikoetan eta erabiltzaileek ez dute tekleatu beharrik beren aparatu mugikorrean informazioa aurkitzeko. Erabil daitezke publizitatean, museoetan, liburutegietan, heziketan... OR kode bat sortzea erraza eta debaldekoa da.

Deskribapena: Probatu al duzu inoiz zure izena Google bilatzailean ipintzea? Emaitzak harritu al zaitu? Baduzu nortasun digitalik? Presentzia digitalik ez izateak, hura kaskarra izateak edo gure nortasun digitala modu pasiboan eraikitzeak ondorioak izan ditzake etorkizunean. Gero eta gehiago dira langileak hautatzeko prozesuetan Internetera jotzen duten enpresak. Modu berean, gero eta gehiago dira atzera botatzen dituzten hautagaiak beraiei buruz topatutako zerbait gustuko ez izangatik. Begi bistako arrazoiengatik gure nortasun digitala zaintzea eta guk geuk sortzea –ez besteen eskuetan uztea– garrantzitsua da. Nolanahi ere, nortasun digitala ez da egun batetik bestera sortzen eta, modu egokian eraikitze aldera, ezinbestekoa da Informazio eta Komunikazio Teknologiek eskaintzen dizkiguten aukerak ondo ezagutzea.

Deskribapena: Ponentzia honen bidez, “Open Access mugimendua”-ren berri eman nahi da labur-labur, eta, amaieran, ADDI UPV/EHUren Biltegi Instituzionalaz jardungo da, adibide batzuen bidez ikusiko delarik nola bilatzen den gordetako informazioa, hainbat plataformatatik. Parte-hartzaileei baliabide horiek erabiltzeko gonbita egiten zaie, bai profesional moduan, irekian argitaratzeko, bai dokumentalista moduan, informazioa bilatzeko.

Deskribapena: Teknologiaren aurrerapenak aldaketa sakona ekarri du kazetaritzara. Aldaketa garai guztietan gertatzen den bezala, aldaketa sakonekoa bada, askok beren hegemonia edo ordura arteko status-a arriskuan ikusten dute, batez ere, aurreko eskemekin gauzak ongi zihoazkien horiek (izan kazetariak era indibidualean edo medioak panorama orokorragoan). Egoera hauetan aukera berriak sortzen dira, perspektiba eta horizonte berriak irekitzen dira parez pare gure aurrean. Nola jokatu horren aurrean? Ezinbestekoa da egoeraren analisian asmatu eta ongi pentsatzea tiroak nondik joango diren aurrerantzean. Argi eduki behar dugu zer egin behar dugun ematen ari den aldaketa hori gure alde baliatzeko. Azken finean, muturren aurrean jartzen zaizkigun aukera horiek baliatzearen apologia izango da hitzaldia.

Deskribapena: Glokalizazioak globaltasuna eta lokaltasuna uztartzea du helburu. Kosmopolitismoan, munduari (kosmosari) eta hiritarrei (polisari) dagokiena integratzen dira, glokalizazioaz hitz egiterakoan agertzen ez diren gai politikoak planteatuz. Glokalizazioa globaltasuna barneratzea dela esaten bada (Beck), gerta daiteke eragile globalen estrategiak tokien tokian onartzea besterik gabe, krisi finantzarioarekin Europan gertatzen ari den moduan. Izan ere, glokalizazioa laburtzen duen lema, pentsatu orokorrean, jardun tokian, ezin hobe datorkie enpresa multinazionalei. Gloklaizazioaren eta kosmopolitismoaren arteko kontraesana dokumentazioen zientzietan ere gertatzen da; esaterako, Zientometrian, Zibermetriarekin alderatuz gero. Kontraesan hori baita ere gertatzen da sarbide librearen (open access) aldeko mugimenduaren eta ezagutza eskuratzeko oztopo glokalak ezartzearen artean.

Deskribapena: 2011-10-11