Gasteizko Letren Fakultateko Ikasketa Klasikoak saileko eta Donostiako Filosofia Fakultateko irakasleek emango duten ziklo hau, Arabako Campuseko ikasle guztiei (aukera askeko kredituak baliozkotuko dira), irakaskuntza ertaineko irakasleei eta oro har, jende guztiari zuzenduta dago. Zikloaren helburua da, lan klasikoak, grekoak zein latindarrak, idatzi zireneko testuinguru kulturala azaltzea eta irakurleei lan horiek daukaten zentzua aurkitzen eta utzi duten ondarea ulertzen laguntzea.