Deskribapena: QR kodeei esker, hiperlink-ak ipintzen dira objektu fisikoetan eta erabiltzaileek ez dute tekleatu beharrik beren aparatu mugikorrean informazioa aurkitzeko. Erabil daitezke publizitatean, museoetan, liburutegietan, heziketan... QR kode bat sortzea erraza eta debaldekoa da.

Deskribapena: Sare sozial profesionalak tresna onak dira, pertsonak ezagutzeko eta gure lanaren inguruko esperientziak trukatzeko. Elementu hauez osatuak daude: - profil profesionalak, gu ezagutzera emateko balio dutenak; - kontaktuen sarea, beste profesionalekin hartu-emanak izateko; eta - debate-taldeak, esperientziak trukatzeko balio dutenak.

Deskribapena: Duela 3 urte, interneterako edukien ekoizpen etxe txiki batek abentura bikain bati ekin zion telebistan. Bitarteko gutxirekin eta ilusio handiarekin, teknologia berriei eta internetari buruzko programa bat ekoizten hasi zen. Garai hartan, Twitter bere lehen pausuak ematen ari zen, TDTak telebista gehiago eta hobea agintzen zuen eta internet errespetatzen zen gunea zen. 3 urte beranduago, internet borroka eremu bat da, telebistak ez daki nor den eta hedabideak erotzen ari dira. Hori da internetari eta telebistari buruz ikasi duguna 3 urte, 100 programa eta 300 elkarrizketa baino gehiagoren ostean.

Deskribapena: Komunikazio-produktu bat egiteko tenorean, munduko kazetaritza fakultate guztiek azpimarratzen dute dokumentazioa eta aurreprestakuntzaren garrantzia. Eta ondo egiten dute hori horrela dela esan eta teorizatzean, prestatutakoa ez baita sekula alferrikakoa izaten. Baina gero koaderno edo mikrofonotxo batekin, zezen arras desberdinak toriatu behar izaten dira —batzuetan itzelezkoak eta beldurgarriak, bestetan gatzik gabeko salda bezalakoak—, eta ez da aski izaten ikasitakoa. Sena behar da, eta azkartasuna, eta buruargitasuna, eta originaltasuna, eta... Ezen, esaterako, nola egingo diozu elkarrizketa bat frantses apur bat dakien Fisika Nobel Sari txinatar bati, zeuk ez badakizu fisikarik, ez txinerarik eta ez frantsesik? Asmatu zerbait fite!, zuzenean zaude eta. Funtsean, dena prestatu arren, beti inprobisatu behar dela erakusteko, neure laneko hiru adibide erabiliko ditut: Paul Auster eta Claude Lanzman idazleen elkarrizketak ETBko Sautrela saiorako, Bost Idazle liburuan jazotakoak eta Euskararen jatorria dokumentalekoak ere bai. Denak ere gertaera desberdin bezain harrigarriak.

Deskribapena: " 'Komunitate' hitza geroz eta gehiago entzuten da Interneten, beste gauza batzuen artean, hedabideei lotuta. Internet eta, batik bat, sare sozialak informazioaren jarioan errealitatea berri bat artikulatzen ari dira, eta horren erakusle dira Muck Rack, Berriketan.info eta Eskup, esate baterako. Informazioa emateko bide bat izateaz gain, informazioa jasotzeko iturri ere badira komunitate horiek, eta irakurle-erabiltzailearen eta hedabidearen arteko harreman berri bat egituratzen ari da. Krisi ekonomikoak, gainera, haratago eraman du harreman hori eta etorkizunean hedabideen oinarri bihurtzera ere iritsi daitezke, dokumentazio iturri izateaz gain, Interneteko erabiltzaileak proiektuaren sustengatzaile eginez".

Deskribapena: Hitzaldi hau “Berrien rock-a: eguneko berriak kantu bilakatzen direnean” doktoretza-tesi proiektuaren atal txikia baino ez da. Helburua herri musikaren eta egunero komunikabideek eskaintzen dituzten berrien arteko harremanak aztertu, kuantifikatu eta erakustea da. Aurkezpen honetan artista euskaldunek nola islatu duten nazioarteko mundu hori erakutsiko da: zeintzuk izan diren lan honetan gehiago murgildu direnak, zeintzuk izan diren ekoizpen handienetako garaiak, zeintzuk izan diren gehien errepikatu diren gaiak, zeintzuk izan diren iturri geografiko nabarmenak, nola garatu den hizkera edo lengoaia, zein izan den ikuspuntu hedatuena eta zein den etorkizunerako aurreikuspena. Kennedyrengandik Malcolm X-rengana, Txiletik Vietnamera, apartheidetik Libanoko gudara, Palestinatik Sarajevora, Bobby Sands-en gose-grebatik Iran-Contra eskandalura, Bin Ladengandik Guantanamora, Saharako kanpamentuetatik G8ra, Parisko auzoetako iskanbiletatik Abu Ghraib-eko presondegira, 11S-tik Bosgarren Mendeurrenera... Artista euskaldunek ere (nazioarteko) gaurkotasuna kantu bilakatu dute, komunikazio honetan erakutsiko den moduan. Gako-hitzak: euskal musika, rock, gaurkotasuna, albisteak, komunikabideak.

Deskribapena: Sare sozial profesionalak tresna onak dira, pertsonak ezagutzeko eta gure lanaren inguruko esperientziak trukatzeko. Elementu hauez osatuak daude: - profil profesionalak, gu ezagutzera emateko balio dutenak; - kontaktuen sarea, beste profesionalekin hartu-emanak izateko; eta - debate-taldeak, esperientziak trukatzeko balio dutenak. OR kodeei esker, hiperlink-ak ipintzen dira objektu fisikoetan eta erabiltzaileek ez dute tekleatu beharrik beren aparatu mugikorrean informazioa aurkitzeko. Erabil daitezke publizitatean, museoetan, liburutegietan, heziketan... OR kode bat sortzea erraza eta debaldekoa da.

Deskribapena: Probatu al duzu inoiz zure izena Google bilatzailean ipintzea? Emaitzak harritu al zaitu? Baduzu nortasun digitalik? Presentzia digitalik ez izateak, hura kaskarra izateak edo gure nortasun digitala modu pasiboan eraikitzeak ondorioak izan ditzake etorkizunean. Gero eta gehiago dira langileak hautatzeko prozesuetan Internetera jotzen duten enpresak. Modu berean, gero eta gehiago dira atzera botatzen dituzten hautagaiak beraiei buruz topatutako zerbait gustuko ez izangatik. Begi bistako arrazoiengatik gure nortasun digitala zaintzea eta guk geuk sortzea –ez besteen eskuetan uztea– garrantzitsua da. Nolanahi ere, nortasun digitala ez da egun batetik bestera sortzen eta, modu egokian eraikitze aldera, ezinbestekoa da Informazio eta Komunikazio Teknologiek eskaintzen dizkiguten aukerak ondo ezagutzea.

Deskribapena: Ponentzia honen bidez, “Open Access mugimendua”-ren berri eman nahi da labur-labur, eta, amaieran, ADDI UPV/EHUren Biltegi Instituzionalaz jardungo da, adibide batzuen bidez ikusiko delarik nola bilatzen den gordetako informazioa, hainbat plataformatatik. Parte-hartzaileei baliabide horiek erabiltzeko gonbita egiten zaie, bai profesional moduan, irekian argitaratzeko, bai dokumentalista moduan, informazioa bilatzeko.

Deskribapena: Teknologiaren aurrerapenak aldaketa sakona ekarri du kazetaritzara. Aldaketa garai guztietan gertatzen den bezala, aldaketa sakonekoa bada, askok beren hegemonia edo ordura arteko status-a arriskuan ikusten dute, batez ere, aurreko eskemekin gauzak ongi zihoazkien horiek (izan kazetariak era indibidualean edo medioak panorama orokorragoan). Egoera hauetan aukera berriak sortzen dira, perspektiba eta horizonte berriak irekitzen dira parez pare gure aurrean. Nola jokatu horren aurrean? Ezinbestekoa da egoeraren analisian asmatu eta ongi pentsatzea tiroak nondik joango diren aurrerantzean. Argi eduki behar dugu zer egin behar dugun ematen ari den aldaketa hori gure alde baliatzeko. Azken finean, muturren aurrean jartzen zaizkigun aukera horiek baliatzearen apologia izango da hitzaldia.