Deskribapena: Hizkuntzen trataera bateratua hizkuntzen irakaskuntza eta ikaskuntza modu koordinatuan antolatzen dituen proposamen didaktiko orokorra da. Koordinazioa hizkuntzen irakaskuntzaren hainbat mailatan gauza liteke: terminologia linguistikoan, ikasgelako jardueretan, sekuentzia didaktikoak sortzerakoan edo baita curriculumaren diseinuan ere. Hizkuntzen arteko eragina da hizkuntzen trataera bateratuaren oinarrietako bat, eta hortik joko dute mintegi honetan hizpide izango diren auzietako batzuek: ikasleek hizkuntza batean landutako eta garatutako trebetasunak zein neurritan transferitzen dira beste hizkuntza edo hizkuntzetara? Hizkuntzen arteko eraginak zein norabidetan gertatzen dira? Ikasleen bigarren hizkuntzan egindako irakaskuntzak ahalbidetzen ote du lehen edo hirugarren hizkuntzarako transferentziarik?. Hizkuntzaren zein trebetasun dira transferitzen direnak? Hauek dira mintegian parte hartuko duten hizlariak: Ane Ortega (Begoñako Andra Mari Irakasleen Unibertsitate Eskola), Iker Pagola (Erain Ikastetxea, COAS Irakaskuntza Taldea), Ane Badiola, Lierni Etxeberria, Aroa Murciano eta Garazi Rota (Eusko Ikaskuntzaren Apraiz-Zumalabe 2011 beka).

Deskribapena: .